被屈的感覺

為了做好件事，有人常常會話「講咗就係架喇」，「講咗，大家都同意就好喇喎」，都ok，因為最先的原則是做好件事。

昨天開會，由老闆會至大會期間一直被「%$@!c」，第一個原因是我的同事做錯嘢，要我負責。包括工作溝通不足，缺乏責任心，做事沒有程序…..嘩！真係乜都有。咁ok，係我的管理不善，唯有做好d，加強管理。(唔通真係唔可以人性化﹖要硬管理﹖睇來現在非走這條路不可了)

到了開大會之時，真係火都嚟！有一個議程係關於一個大project的運作，其實早在上年的藴釀期間，我都經已提過這個project的推行要審慎，不可以隨意發展，因為人力、資源都不充足，而且這個project與過往的有所不同，我們這個工作單位的工作人員沒有經驗，會有很大的風險。結過，當時被老闆話我新仔，唔熟識新單位的工作情況，唔識做嘢。Ok，當時大家話咩咪做咩囉。之後，那project要搞註冊，咪搞囉，政府部門要我哋交咩資料，交咩証明，我咪交囉，幫個project事之麻，冇問題架喎。又話我拖件事，阻礙project註冊，我冇拖件事架喎，係政府部門要求多多咋喎！要預備d文件，又要同其他部門溝通唔駛時間咩。個project嘅I-C話好簡單，仲問我係咪唔識做，嘩！果時我都算，唔同佢計效。但係，今次真係唔忍得！

事關，個PROJECT要駛錢的話，一定要預早入紙，你唔得閒入紙，咪簡單DRAFT一D關於個PROJECT的ITEM同埋預算，我D同事幫手搞其他手續囉。夠簡單未﹖咁咪唔駛你個PROJECT拖數囉。呢個方案早就在年初的時候講過嘛，又係你哋成日話講過就算，講過就係。咁就响4月同5月期間，佢就做咗兩項工程，事先又冇入紙申請話要駛幾多錢，之後完晒D嘢先通知話駛咗幾多，仲要交唔齊文件，齊晒都用咗成個月時間，我哋部門都要睇你D文件有冇問題，冇咩溜，都要時間呱。(如果唔係，老闆又話我哋做得唔夠仔細。) 之後，在7月份我老早知佢要有工程要駛錢，我就一早幫申請咗D錢比佢個PROJECT用，所以先可以咁快手。加上早前，財務部經已與我的部門開了一次會，表示那PROJECT的數不可以再係咁做，要獨立出來。所以之前交的數全部退回，另行再做。SHIT！

昨天，個PROJECT I-C就嗱住D工程文件PHOTO COPY話我哋個部門做唔到嘢，又話經已整理好先交上來，係我哋個部門有問題，要交代。我心諗，你冇嘢呀！果幾單嘢仲未埋到數，係你自己冇跟程序做咋喎。由7月份開始，我一見佢個PROJECT有工程，我就唔比佢先駛未申請的錢，咁你個PROJECT 先運作好一點咋喎。之前D蘇州屎，係你自己唔跟程序，自己囉嚟架喎。

昨晚個會，佢叫我回應，我話之前果D事我唔想在會議中題，我重申一次我哋正式的工作系統同埋現在要處理註冊咗之後的手續問題。「面係人哋比，假係自己掉」，如果我一講個實情出來，又唔知日係會有咩大檸樂嘢，我忍你！

呢單只係昨晚其中一單，我個同事搞出來的爛攤子仲未完，呢個月真係多姿多彩！